我對擁有黃皮膚黑眼睛，我是中國人的身份絕對驕傲。不過，這個身份在馬來西亞搭的士，卻換來一次「障礙」。記得上次去馬來西亞睇影展，臨急臨忙跳上的士趕去電影院。原本的士錶只是20幾蚊，點知個司機同我講，要收40蚊，我明明無擺行李，又無過隧道，點解無端端要收多我10幾蚊「華人附加費」，我當然唔畀啦，無理由因為我係中國人就收多我錢，我死都唔肯畀。
司機開始惡，同我講唔畀錢唔使旨意落車，由於趕着入場，我被逼屈服，畀多10幾蚊。到夜晚，睇完戲食完消夜逛完夜市，已經無車返酒店，於是又要搭的士。諗住唔會同樣受到歧視啩！怎料到酒店後司機又同我講要收多10蚊。畀多錢事小，睇小華人事大。今次我老虎蟹都唔會畀，我叫司機車我到警局。去到警局，警察竟然同我講無用，他們管不到這麼多，的士司機就是針對華人，他們也拿司機沒辦法。勢估唔到，警察也幫不到我。不過警察同我講，下次搭的士的時候，先同司機講好價錢，30就30，不要按錶收費。（五之五）
梁學文
小貼士：去馬來西亞搭的士，最好事先議價。