林曉峰和太太康子妮為一間家居用品店拍攝一輯平面廣告，兩人在廣告中跟一位小演員扮成一家人。在家扮嚴父的林曉峰為與小演員混熟，不惜扮鬼扮馬逗小演員開心，拍攝才可以順利完成。
林曉峰（阿Lo）、康子妮最近接拍實惠平面廣告，除了林氏夫婦之外，廣告商安排了一個小演員一起拍攝。在廣告中，三人要扮演一個愉快的家庭，拍攝不同的生活照片，可是該名小演員非常害羞，一直都不發一言，令林氏夫婦無從入手。
慘變玩具
一向都喜歡搞笑的阿Lo出盡法寶，扮鬼扮馬，終令小演員態度軟化，開始跟阿Lo混熟起來，阿Lo說：「呢個小朋友實在太得意，唔識佢就覺得佢好文靜，粒聲都唔出，同佢熟咗之後佢都係一粒聲都唔出，但係佢就乜都鍾意玩，連我兩公婆都當係玩具咁玩。」
一黑一白
平時愛講笑，又愛搞笑的阿Lo，原來在家中不喜歡搞笑，還經常黑面，他說：「唔好以為我平時咁搞笑，我對自己啲小朋友好嚴，我同我老婆個角色係一黑一白，我就成日都黑面，好嚴肅咁，我老婆就係一個好人，我覺得咁樣先可以令到小朋友身心平衡健康發展。」
撰文：丁寧
