元彪日前拍攝無綫新劇《通天幹探》槍戰戲，劇中飾演幹探的彪哥及李國麟齊齊搗破一單毒品案，更與賊人發生槍戰。彪哥為了增強劇集的電影感，不時為武打及槍戰場面提供意見，向來拍慣電影的他，近年專注拍電視劇，更拍出戲癮。
元彪及李國麟日前在慈雲山，為無綫新劇《通天幹探》拍攝一場槍戰的戲份，劇中兩人飾演幹探，搗破一單白粉案期間與賊人發生槍戰，向來身手敏捷的元彪笑言拍劇亦有相當的難度，為了令效果更逼真，他亦與武指交換意見，就連臨時演員吸食毒品時的動作及姿勢，元彪亦有教路。
怕誤傷對手
問到元彪拍劇可會比拍電影辛苦時，他說：「拍戲都係咁㗎喇！不過投入咗就冇問題，而且今次又同上一次拍劇唔同，因為係時裝警匪片，所以唔只運用到功夫，仲要有槍戰。」
向來以真功夫見稱的元彪，拿起手槍時亦同樣表現得十分專業，當與李國麟合照時，元彪左手持槍，更笑言自己為徐步高。
由於劇中除了槍戰外亦有不少打鬥場面，問到元彪可會擔心誤傷對手，他說：「唔小心打傷就一定會有，我都怕俾對方打嘅，好彩我拍戲都好少會受傷，不過我真係好希望電視可以做到電影上嘅效果畀觀眾睇。」
由於早前由元彪演出的無綫劇集《佛山贊師父》播出後反應不錯，故令元彪更想再次拍劇集，他說：「拍劇比較易入屋，會令觀眾印象深刻，做戲係過癮好多，拍得好滿足感都好大，我就仲要係拍得開心，錢反而係其次。」
任子女發揮
元彪為了拍劇，與家人分隔兩地，問到他有否被太太及仔女投訢時，他說：「以前都陪咗好多喇，而且仔女都大晒，佢哋都有睇我拍嘅電視同電影，但就唔會讚我同彈我，不過放假都會返香港，玩吓探吓朋友。」問到可有教細仔打功夫時，他說：「冇呀，我任由佢哋發揮，我都同佢哋講，讀書有知識做乜嘢都會叻，況且佢哋想學先得，如果唔係就冇意思喇。」
採訪、攝影：王崇穎
