蛋糕可以有幾貴呢？重慶一家蛋糕店放咗一個標價688,888蚊人民幣，有三層、高兩米嘅奶酪蛋糕「國際夢幻蛋糕」，貴到無人吼。有市民對蛋糕嘖嘖稱奇，但就批評完全係炒作，買一層樓或者一部車好過啦。經理話個蛋糕用咗兩個月構思設計，五、六個師傅連續做咗五、六日先做起，藝術性好高，點止蛋糕咁簡單。