馬丁噚日好高興，因為佢履行咗對陳日君樞機嘅承諾，原來去羅馬之前，佢話要送禮畀陳樞機，陳日君即時拒絕，不過馬丁話呢份禮物佢會鍾意，就係兩個韓農將有機會獲釋，結果噚日果然政府敗訴要即時放人。
馬丁就送咗大禮畀新任樞機，而韓農就請佢同個team食一餐韓國菜，喺銅鑼灣莊園設宴，三個大狀仲各獲贈一套韓國傳統服飾，着住嚟食。兩個最後獲釋嘅韓農都好開心，因為今日可以返屋企，呢個季節忙於播種，要好多人手。
馬丁唔食牛豬，但係烤雞同烤蝦就食得好滋味，人參雞湯唔飲得，因為有痛風，但係雞肉可照食。咁場官司贏晒，又真係值得食番餐勁嘅。
傳真︰2623-9278
電郵︰[email protected]