超人李嘉誠第三個仔，即係佢個基金會，噚日捐咗二千五百萬人民幣，畀廣東省公安民警醫療救助基金會同廣東警官學院，籌建游泳館。超人基金會水頭充足，呢筆錢認真濕濕碎到極，不過捐錢前都好認真實地視察過，喺三月初，派出長實駐廣州辦事處經理鄭錫偉同宣傳拓展部經理陳嘉華，去警官學院。超人喺廣東有生意，加上多年前張子強案公安落力辦事，在公在私捐錢都合情合理。
噚日個捐款儀式超人無現身，只係由長實執行董事鍾慎強，同長實主席辦公室經理區小燕代表出席。鍾慎強強調，超人期望醫療救助基金會能獲得社會各界更廣泛支持，為公安民警提供醫療救助保障；至於捐錢建設游泳館，係想令警官學院基礎設施更完善，方便學員鍛煉體魄喎。
傳真︰2623-9278
電郵︰[email protected]