各位的士大佬睇到呢篇文章嗰陣，千祈唔好話我哋教人改裝客貨Van去搶你哋生意呀，事關呢部的確係可以當私家車用的日產Caravan來㗎。好，講笑完畢，言歸正傳，查實Autech在這些年來推出了不同的改裝日產車系，例如最Top的Elgrand，甚至年輕人至愛小車March也是其中之一，真係估唔到會連載客版的Caravan也被撥入改裝之列。
這部CaravanRider藏有最多改裝部件的地方，肯定是車身四周，其中Autech更特別將車頭鬼面罩和泵把上的生風入口加裝電鍍欄柵，並加入了霧燈，襯埋一對超大頭燈和電鍍門邊鏡殼，望起上來係咪好似ElgrandRider呢。車廂又換咗乜嘢？咪就係雙色真皮軚環、白色跑車錶板、中控台的裝飾等等，不過我最鍾意的還是雙色皮椅，點解？好坐囉！
記者：鄭達基