模特兒出身的林子萱，三年多前在台灣有機會出唱片，但唱片公司突然倒閉，她一心回流香港發展，半年前卻因合約問題，唱片胎死腹中，令她患上抑鬱症。今次林子萱再戰歌壇，她揚言是最後一次機會，不容有失。
林子萱（前名林子瑄、KiKi）十九歲做模特兒，二十一歲有機會到台灣發展，她記得出碟前個多星期，經過忠孝東路看見自己的大型海報，當時她心裏暗自歡喜說：「得啦，呢鋪掂啦！」
豈料大碟推出前一星期，唱片公司倒閉，KiKi第一個反應就是哭，她說：「嗰一刻我除咗喊，仲可以做啲乜嘢，可能當時只有二十一歲，覺得自己仲有大把機會，就選擇返香港發展。」
自閉失眠
年多前，KiKi有機會入錄音室錄了兩首歌曲，歌曲也有派上台宣傳，躊躇滿志的她心想機會再落到她手中，一定要做到最好，可惜事與願違，合約出現問題，令出碟計劃擱置。最慘是KiKi於合約年期未滿前，不能作幕前演出，她的心情由高處跌入深谷，畢竟已經二十四歲，這次打擊令她患抑鬱症。
KiKi回想半年前的低潮日子說：「嗰時我真係同自閉冇分別，每日起身就練舞，一日都講唔夠十句嘢，朋友搵我，我又唔出去，嚴重到要睇醫生食藥先瞓得着。」
監製賞識
直至遇上現時的監製，才令KiKi於困境中返回現實，她說：「嗰時監製搵我唱demo，之後佢畀機會我作詞，最後仲成功幫我賣咗啲歌，咁我先有番自信。」半年前不停排舞的日子，KiKi練得一身好舞功，今次她再戰樂壇，會以跳舞女歌手形象示人，在訪問尾聲KiKi字字鏗鏘地說出她的目標：「我嘅目標就係最受歡迎女歌手。」
採訪：李珮洳 攝影：陳慧安
化妝：KerryWong
髮型：Wing＠HairCulture
場地提供：TerminiCaffe
