雖然仲有兩個月先有世界盃睇，不過好多廠商已乘勢力谷旗下產品。貴為連續七屆世盃指定影像贊助商，富士今年依然唔例外大搞一番，諗咗個「富士2006世界盃大抽獎」，頭獎送你雙人來回德國機票連三晚酒店，當然包埋2張世界盃入場券啦！
記者：徐影龍
二獎及三獎亦好吸引，包括3"大芒DCV10，以及最新到港嘅F470。參加辦法好簡單，大家只需喺4月21日前，購買行貨富士數碼相機，將盒內保用證填妥及寄番畀佢哋，就有機會攞到世盃入場券㗎啦。
若你咁啱想買部DC過復活節，不妨考慮一下富士最新推出嘅F470；呢款輕巧DC不但外形較一般DC嚟得靚仔，其微凸式手柄位亦令細機得以「揸得實」，按快門時冇咁易造成手震，加上600像素、2.5"大芒、640×480（30fps）高清攝錄，叫價$2,480仍算相當吸引。
查詢：富士攝影器材（24063223）