陳小春、林苑和郭芯其昨日接受商台訪問。小春談到與六歲小女孩合唱新歌時笑說：「我當初都怕俾人話我係金魚佬，不過頭先第一次聽，個感覺都幾舒服，好彩唔似金魚佬。」
談到老友杜汶澤最近被指反骨，詛咒吳君如「生仔冇屎忽」，問小春認識的阿澤是否如此沒口德？他說：「點會呀，阿澤係有時信口開河，口不擇言，但佢同君如好似一家人咁，唔會咒佢嘅。」小春還打趣道：「係咪君如同佢講生女，所以話佢生仔冇屎忽。」
「側田開心就得」
此外，林苑的緋聞男友側田的父親被雜誌拍得與不同女伴狂歡的照片，被指兩父子同樣風流，林苑一聽到側田父被偷拍，不禁大叫：「吓！唔係咁賤呀？我真係唔知喎。」問她覺得側田是否很風流？她笑說：「呢個我就唔知，係佢嘅私生活，佢開心咪得囉。」
採訪、攝影：胡比