都話傳媒同公關係唇齒相依㗎啦！前日淡馬錫控股宣布收購渣打集團（圖）股份，新加坡有份雜誌《FinanceAsia》登咗一份淡馬錫嘅內部文件，裏邊有成59條（自）問（自）答，內容圍繞住今次收購嘅相關題目，目的係幫助淡馬錫嘅管理層回答傳媒問題。
點解份內部文件會出咗街呢？原來部份傳媒收到關於今次收購嘅電郵時，連帶收到呢份問答嘅附件，相信係淡馬錫嗰邊擺咗個烏龍！話說回頭，雖然淡馬錫係區內已有唔少收購或參股項目，但原來好少同傳媒交手，所以今次要做足準備工夫，本來係好事一樁，但係就留低咗條尾巴，美中不足！