地產代理就同其他行業一樣，都會出現良莠不齊嘅情況，除咗用淘汰方式去蕪存菁，亦可以透過培訓去提升員工嘅水平，香港置業今年首季就搞咗接近100班培訓課程，參與受訓員工達1200人次，比舊年同期多咗兩成。 港置董事楊彩鳳話，為咗加強員工專業水平，公司新近搞咗個屬於持續專業進修計劃（CPD）嘅「執業規例與操守守則」學分課程，重點講解執業指引同埋行業操守，有40幾人參與。 樓市由舊年尾一直淡到𠵱家，有上進心嘅經紀，趁呢段空檔充實吓自己，值得鼓勵。