《大時代》的丁蟹效應，一直延續至今，每逢鄭少秋的新劇一出，股市必然波動，由秋官主演、下周一首播的《潮爆大狀》昨日舉行宣傳活動，恒指昨日竟然下跌111點，秋官雖然自誇新劇播出後恒指會勁升千點，但亦不諱言丁蟹的戾氣還在。
鄭少秋當年在劇集《大時代》中扮演丁蟹，劇集播出後股市大瀉，自此秋官便跟股市下瀉結下不解緣。其新劇《潮爆大狀》下周一（四月三日）才播出，但已有股票分析員提醒股民要留意丁蟹效應。
「股市都會爆」
昨日無綫安排《潮爆大狀》一眾演員，包括秋官、向海嵐、湯盈盈、石修及陳鍵鋒等在奧海城瀑布高爾夫健體天地舉行首次宣傳活動，活動上，秋官不忘大談股市走勢，他說：「今次實升，之前套劇叫《非常大狀》，𠵱家改做《潮爆大狀》，所以股市都會爆，咁搞法，我驚會升成千點，人都儍咗！」問秋官會不會趁機入市，他說：「我不嬲入住，唔會放，我都唔敢玩投機。」
不過該劇未上，昨日恒指已經下跌111點，收市報15,745點，而昨日午市後跌幅擴大，秋官活動亦於下午舉行，可謂相當巧合。
「唔會忘記我」
最近又有報道指無綫收費電視台重播《大時代》，此劇一出，恒指開始逐步回落，丁蟹效應似乎冤魂不散，對此秋官說：「好難頂嘅，佢啲戾氣仲喺度，咁容易就冇咗能力，就話我冇用啦！我所有念力放晒喺套劇入面，咁先吸引到大家睇，咁就唔會忘記我。」
不過秋官拍檔向海嵐還是不敢入市，她說：「我記得秋官上一套劇股市都冇跌，不過我都唔會買，我寧願叫秋官搵我一齊去登台，帶我去搵錢好過買股票。」
採訪：楊潔雯
攝影：仇志德
