獲封為沙士英雄嘅中大醫學院副院長兼內科及藥物治療學系系主任沈祖堯，噚日喺北京人民大會堂獲頒授二○○五年「長江學者成就獎」二等獎，係唯一獲呢個獎嘅香港學者。
至於呢個「長江學者成就獎」就係由國家教育部同香港李嘉誠基金會共同創立，目的係獎勵海內外精英。而攞得誠哥個獎，獎金當然唔少啦，其中一等獎可獲一百萬人民幣（約一百零三萬多港元），二等獎總共有三名，可獲五十萬人民幣。今次一等獎由中國農業大學李甯教授奪得。
沈醫生噚日喺基金會董事周凱旋女士手上獲授獎狀，真係為香港人爭光。可惜八方冇機會去北京採訪，否則一定會問吓周小姐對李超人唔排除會changehismind再婚有乜嘢睇法。
傳真︰2623-9278
電郵︰[email protected]