香港地產代理攞獎嘅新聞經常都有，但濠江就少見啲，中原（澳門）最近就喺《資本企業家》雜誌嘅「澳門榮譽企業巡禮2006」選舉中，攞到「傑出品牌」同「企業家精神」兩個獎。睇嚟本港代理集團喺澳門除咗鬥業績外，仲陸續有其他嘢要鬥。 中原（澳門）執行董事郭朝隆表示，集團04年11月進軍澳門，至今分行已增加到十間，做成嘅交易逾1700宗，營業額4300萬。 中原（澳門）嚟得濠江搵食，就唔會諗住賺筆快錢就走人，所以佢哋想同澳門同步成長，最後變成當地人心目中嘅真正品牌。