小初聽完經紀黃推介的中新集團（563），昨日朝早買入，最高見過1.08元，收1.06元，升6％，又係新高。
小初買中中新，以為自己好勁，誰不知另外一隻大陸地產股表現更勁，就係剛公布完業績的雅居樂地產（3383），最高見過6.45元，收6.20元，升11.7％，成交高達2.43億元。原來大摩出報告唱好雅居樂，新目標價8.10元。
另外，剛獲一間星洲證券行出報告推介的華瀚生物製藥（587），昨日再升14.43％，收1.11元，又係52周新高。由於華瀚失驚無神升得咁勁，市場即時傳聞有機會批股。
家陣股市交投暢旺，對沖基金又多，證券行要搞批股幾乎冇難度，一旦有人敲門，好多上市公司都會心郁郁，因為冇人會嫌錢多。
慕容小初