一般人要去迪士尼樂園可以話去就去，但係全身癱瘓嘅阿斌前日可以暢遊迪士尼，背後就要靠唔少熱心人出力。商台節目主持人查小欣噚日透露，原來阿斌舊年八月已經提出希望去迪士尼，捐贈電動輪椅畀阿斌嘅歌星張學友，舊年有日去瑪麗醫院探阿斌，當日重要係黃色暴雨，兩個人閒談之間，阿斌問身為迪士尼大使嘅張學友有無帶個女去新開嘅迪士尼樂園玩吓，張學友答話有，阿斌就話：「我都好想去！」佢仲開玩笑問學友：「可唔可以幫我攞免費飛呀？」張學友當場好爽快咁就答應咗，結果阿斌終於夢想成真。
傳真︰2623-9278
電郵︰[email protected]