今次是第二次跟廖碧兒（Bernice）做訪問，緊密的檔期下，樣子仍然精靈可愛，表情依然多多，最重要係身材依舊GoodFit！不要說她是明星，總是食得好着得好，其實要樣靚身材正，偶爾為自己做一份簡單的健康餐，腸胃順暢啲，皮膚都滑溜啲，眾姊妹仲唔偷師？
記者：謝翠玲 攝影：周旭文
Wardrobe：KOOKAI HairbyGeminieLi（IlColpo）
MakeupbyKylie
食嘢除咗要好味，營養價值都好重要㗎！可以嘅話，不妨生食蔬菜吖，咁營養就唔會喺煮餸時流失啦！
食飽早餐先開工
工作忙碌的關係，Bernice習慣先吃一個豐富的早餐才開工。
「若果平日唔使開工，就會食餐light啲嘅，一個禮拜食一兩日已經有清腸胃嘅效果。」
她喜歡天然口味，檸檬和蜜糖更加是她的至愛！
最忌飲奶
Bernice對於食物的味道及營養都好有心得，像她會看書研究飲食營養，曾經看過一本書介紹血型和飲食關係，發現原來她不喜歡的奶品，就正正是不適合她體質的食品，從此更引起她對飲食營養的興趣。
輕食１煙三文魚雜菜沙律當飯食都得
三文魚是Bernice最喜歡的魚類之一，有營養唔在講，加埋大盤蔬菜沙律，其實很飽肚，而且容易做，出廠工作最啱，可以暫代一餐麵飯主食。
材料：煙三文魚4片、鮮刨芝士碎少許、車厘茄2粒、沙律用生菜1碗、檸檬4個、胡椒粒適量
做法：
1.煙三文魚置碟上，刨下少許芝士碎，以胡椒粒調味。沙律菜洗淨拌勻備用。
2.用廚房紙吸乾沙律菜表面的水份，把菜排在煙三文魚旁，放上對切的車厘茄。
3.將檸檬汁平均灑在三文魚和沙律菜面作調味即成。
三文魚營養學
三文魚含豐富的Omega3脂肪酸，可降低壞膽固醇，對預防心臟病有效。此外，三文魚也含有蛋白質、維他命B1、B2、B12，營養豐富。
輕食2蜜糖甘笋鮮橙汁最易做
在家自製果汁不太難，甘笋加上橙，維他命Ｃ很豐富，再用天然蜜糖作調味，好味之餘對皮膚更有益，飲完連面色都份外紅潤，睇Bernice塊面珠登就知啦！
材料：橙1個、甘笋半條、蜜糖1茶匙
做法：
1.甘笋削皮切幼條，與橙切半榨汁後混和。
2.加入適量蜜糖，拌勻即可。
蜜糖營養學
蜜糖含有多種維他命、果糖和氨基酸等，有助身體排毒，更能補虛潤肺、滋潤喉嚨。
輕食3檸汁蜜糖蘆薈粒粒爽美肌排毒
這個蘆薈粒粒爽對皮膚特別有益，「我鍾意去大型啲嘅超級市場買一棵新鮮蘆薈返屋企起肉，用3吋蘆薈肉再切碎加蜜糖就食得喇！」不過蘆薈有輕瀉，Bernice提醒大家唔可以食太多㗎！
材料：蘆薈肉半杯、蜜糖1湯匙、青檸半個、檸檬1/4個
做法：
1.鮮蘆薈起肉，切粒粒，榨入檸檬汁和青檸汁。
2.加入蜜糖拌勻即可食用。
蘆薈營養學
蘆薈含大量天然蛋白質、維他命、葉綠素、蘆薈大黃素等，內服有助排出毒素。將蘆薈黏液外塗，有滋潤保濕作用。
靚面竅門：維他命Ｃ護膚
除咗內服，Bernice當然都注重外敷啦！原來她屬敏感膚質，又經常要化妝，所以通常會選用不含香料而成份又溫和的護膚品，尤其重視保濕，不過原來她還有一招，就係會揀選有維他命Ｃ成份嘅護膚品，有明亮肌膚作用，靚，都可以靚得健康嘅！
護膚品推介（AllfromCLINIQUE）
（前左）特效水嫩保濕眼霜 $220
（前右）特效水嫩保濕霜 $300
（後）DermaWhiteC-10肌本透白緊緻精華組合 $780（7ml×6支裝）
查詢：31481212
