中歐貿易摩擦一浪接一浪，今次嘅主角係中國嘅彩色電視機。歐盟已經發出文件，將對中國彩電出口商徵收44.6%嘅反傾銷關稅，即日執行。據悉，今次徵稅主要因為康佳公司唔肯接受歐盟嘅現場認證調查，違反咗○二年七家中國彩電出口商與歐盟簽署「免徵反傾銷關稅協議」時嘅承諾，最終導致歐盟再次徵稅。