樂基兒、徐子淇前晚在中環行時裝騷，風頭各不相讓。以性感比堅尼示人的樂基兒，自爆曾經在泰國的泳池裸泳，未知她所指的是否她早前與黎明結伴遊泰國時的甜蜜往事呢？
黎明名模女友樂基兒、徐子淇等前晚在中環為時裝品牌PatriziaPepe行騷，台下睇騷女星如葉璇、湯盈盈、黃伊汶等亦不讓台上女模專美，未到夏天，大家已急不及待以露背、deepV、短裙示人，大鬥性感。
完騷後谷胸搶鏡
打頭陣出場的樂基兒，穿上紅白條子比堅尼，之後示範「側門大開」的高衩裙，青春搶鏡，相反壓軸的徐子淇則穿密實黑裙上陣，未知是否怕被搶鏡，完騷後即時改穿谷胸上衣接受訪問。
樂基兒接受訪問時謂不介意穿泳衣行騷，她說：「我屋企都有十幾套比堅尼，我喺泰國都試過半裸曬太陽，喺酒店私人泳池冇人都OK，香港就唔敢囉！」問到樂基兒其男友黎明支持政府立法禁偷拍，她可會支持？樂基兒一聽到黎明名字時即時封嘴，她說：「我唔清楚，呢啲係政治，政策上嘅嘢，等啲bigpepole（大人物）去處理啦，我係smallpotato，唔識評論。」
受凸點事件影響
至於台上密實、台下谷胸的徐子淇則強調自己從來不會着泳衣行騷，更表示是受當年演出無綫節目《超級無敵掌門人》時凸點影響，她說：「嗰次令到我有陰影，嗰時仲細個，都唔知凸點呢樣嘢，但嗰次之後就好驚，行騷近人堆的話，更加咪搞。」
提到該凸點照在網上流傳，徐子淇笑住說：「呢個係經典，我嗰時十四、五歲，卜卜脆。」
採訪：顏英儀
攝影：陳偉權
