讀者陳小姐投訴，指早前收到一個郵包，除包裝有破損外，其中一張電話卡亦失去，懷疑有人盜竊郵件財物。陳小姐說：「我媽媽幫我攞個郵包，佢幾十歲人，乜都唔識，見個郵包爛咗都唔敢出聲，就咁拎返屋企！」
「郵包明顯俾人開過」
她續說：「郵包明顯俾人開過，只係用橡筋隨便箍番。唔見咗一張本地電話儲值卡外，一張德國電話卡的密碼保護層，亦被人刮去。損失雖然只係六十蚊，郵件損毀或遺失我都唔係第一次，未試過今次咁明顯俾人偷郵包裏面嘅嘢！」
郵政署發言人回覆，指職員在派遞陳小姐郵包及其後陳小姐家人到郵局領取的過程中，均未有發現任何損毀，當收到陳小姐投訴後，已即派員到其府上調查，但發現郵包已經開啟及重新封口之情況，故無從確定包裝損毀及是否有內載物件遺失。
發言人指出，按規定郵件若有任何損壞，會由專責職員以印有該署標誌膠紙修補及用特定信封重新包裝，並貼上標籤通知收件人。而該署每日處理郵件達350萬件，當中被發現有破損的，每日平均只有三至四宗。
如市民領取郵件時，發現有損毀，應即時通知郵局局長，陪同檢查並填寫損毀報告，供日後索償用。如屬掛號郵件，領件人勿繼續開拆，應盡快聯絡郵政署作進一步檢查。
郵件索償須知
1）辦公時間內，可到任何一間投注普通郵件，不獲賠償。
2）辦公時間內，可到任何一間投注掛號郵件，最高賠償$320。
3）辦公時間內，可到任何一間投注包裹郵件按重量計算。
4）辦公時間內，可到任何一間投注海外郵件，亦設有保險服務，最高賠償額為$46,000。
檔案編號：0317013
蘋果投訴熱線：29290000
社會服務熱線：29908288
傳真：23702192
電郵：[email protected]