樓市靜咗幾個月，終於見曙光，今個月未埋數，代理行已經紛紛報喜。中原執董陳永傑話，住宅部本月至27號，營業額已超過1.15億，係4個月新高；工商舖有3500萬數，估計公司全月生意有1.8億，所以向後勤發放300蚊特別花紅。
中記舊年嘅規定係，做到1.98億就派800蚊花紅，前年係過1.28億畀500蚊，今年似乎縮咗水，但係啲後勤都好知足，話公司蝕咗幾個月，今個月至有啲起色，有花紅收已好滿意。
而利嘉閣執董廖偉強表示，公司今個月以來嘅營業額逾4000萬，估計全月可過4700萬，有少少盈利。上個月利記條數只得3100萬。
另外，美聯就話，集團今個月以嚟，已經有24間分行營業額過百萬，係4個月新高。