徐子珊第一次擔正拍劇《千謊百計》，點知都係是非多多，有報道話佢犯眾憎，成日遲到、唔背劇本、做戲唔掂又認叻，講到佢冇樣好，連前幾日拍落水戲透底，當眾出醜都係俾工作人員玩！噚日馮仁昭特登搵徐子珊問，佢一臉無奈同委屈，之後仲講到想喊，但係喊極都喊唔出，問佢係唔係同其他工作人員溝通上有問題，佢話：「梗係……唔係，我問心無愧，今套劇我真係好辛苦！」