早前到日本親身測試新一代萬事得MPV時，廠方和代理的工作人員已表明新車在香港推出時，將會起用一個全新的名字，到底是甚麼呢？大家快啲埋嚟睇、埋嚟估，買定離手喇！
有無搞錯呀！估咁耐都估唔到，咪就係Mazda8囉！至於點解會改名？我想因為廠方覺得MPV車種，去年在香港的銷量增長了23%，加上車子屬於新一代設計，唔想畀人一種舊車的感覺，所以在港發售時放棄原來MPV的名字，取而代之是Mazda8。
不過，大家唔好咁心急住，全新Mazda8要到今年5月才會正式抵港，車價方面則未有進一步消息，還要等代理方面提供有關資料。各位想買MPV的User，不如等多陣，睇埋部Mazda8先作決定喇！
記者：鄭達基