預算案今日表決，得到保皇黨瞓身支持，唐唐唔使點做預算案已經夠票過，但唐唐就好貪心，唔單止要通過預算案，仲希望獨攬晒啲支持，攞埋民主黨同公民黨嘅支持，唔畀啲議員反對佢，十足十煲呔上年選特首咁霸道。咁做唔知係咪為下年特首選舉熱身，提前學點樣獨攬選票。
唐唐喺副學士問題讓步後，民主黨應該都會支持佢啦，仲扭緊計嘅大黨剩番公民黨，佢哋今朝會最後決定。湯家驊想唐唐放水解決家庭暴力問題，唐唐前日就打電話畀佢親自游說，希望湯狀哋放佢一馬，因為政府已經做咗好多嘢，如果再畀錢搞家暴，就會好重叠啦！湯狀話，如果唐唐畀到個好啲嘅書面解釋，咁佢哋都會再諗諗係咪收貨。咁唐唐一定識做啦！
傳真︰2623-9278
電郵︰[email protected]