物業管理公司為提高知名度，都好積極參與各項比賽，以攞獎為目標，證明搵佢哋做管理至係最佳嘅選擇。
新世界嘅富城集團報料，話佢哋喺「優質大廈管理比賽」同「屋苑清潔比賽」中，共有4個屋苑攞獎，係中半山嘉富麗苑、紅磡凱旋工商中心、黃大仙采頤花園同葵涌寧峰苑。
長實嘅高衞物業管理嘅大坑龍華花園、紅磡海逸豪園、大埔鹿茵山莊同馬鞍山聽濤雅苑，都獲得05香港年環保企業獎嘅環保物業管理（私營房屋）優異獎；海逸豪園同紅磡維港中心第一座又攞到「卓越明智減廢標誌」同「明智減廢標誌」。
新地嘅啓勝管理就話，喺05香港年環保企業獎中，佢哋管理嘅沙田帝堡城攞到榮譽金獎，元朗朗庭園則奪金獎；將軍澳維景灣畔同智能管理中心都獲優異獎。