日前啱啱度過三十歲生日嘅梁詠琪（GiGi）一直係Fancl嘅代言人，早前佢特別由英國趕返港拍攝新一輯面膜廣告。喺廣告中GiGi以粉紅色連身裙示人，並喺布滿白色石春嘅布景下拍攝。原來GiGi喺英國深造歌唱技巧期間除日日享受寫意生活外，仲經常會抽空到沙灘曬太陽，怪不得佢拍嗰陣十分輕鬆，似乎已忘卻同鄭伊健分手嘅傷痛。