長洲一度係燒炭自殺嘅「勝地」，島上嘅警察除咗防止罪案之外，仲要識得防止自殺，新一期嘅《警聲》訪問咗幾位守長洲嘅差大哥，講吓佢哋喺呢方面嘅心得，其中守長洲已經超過四年嘅梁金松話，防止自殺，眼耳口鼻都要出齊。
首先要用眼留意吓有冇人一副鬱鬱寡歡嘅樣，如果有就用耳去聽吓佢同人講乜，有冇厭世嘅意思，又要多口啲去同佢傾吓偈，旁敲側擊佢嘅背景等等，但係最犀利嘅係要用鼻，因為據梁sir經驗之談，燒炭同燒烤發出嘅味道係完全唔同嘅，巡邏時一聞到陣除就知有事，要即刻破門而入救人。據幾位阿sir講，佢哋年中都救番唔少人㗎。
傳真︰2623-9278
電郵︰[email protected]