黃聖依（右）同周星馳（左）間星輝公司簽咗經理人合約，但自己又私底下接戲，搞到星輝要告黃聖依毀約，單官司都未搞掂，𠵱家黃聖依接咗內地劇《周璇》，同張栢芝都喺上海開緊工，聽講星輝發咗封律師信畀開拍《周璇》嘅公司上影集團，禁制佢哋私下搵黃聖依拍劇。馮仁昭打電話問番星輝發言人黎先生，佢話件事已經交咗律師處理，過兩日會發聲明交代件事。