繼黎明在住所被偷拍得跟女友樂基兒的親密照片後，上周吳彥祖及女友LisaS.也不幸中招，故演藝人協會有意發起一次演藝界大遊行，希望政府立法禁偷拍，據知黎明已口頭答應以受害人身份出席。而近日父親也遭受牽連的側田及劉德華昨日出席活動時也表示會支持遊行，側田更會帶頭行，但亦有不少圈中人關注遊行的成效。
側田曾身受其害被拍下M字額及與女友林苑歡聚，近日其父也受牽連，昨日側田在商台接受訪問時，對於有報道指其父夜蒲撩女講有味笑話，側田覺得狗仔隊經已侵犯其底線，他說：「我套KingKong理論係父母教我，所以佢哋會明白，不過傷害我咪算，今次重hurt過上次嗰單。」側田還謂此類新聞很渣，沒有娛樂價值，報道者要等天收。
對於演藝界計劃為立法禁偷拍遊行，側田舉手贊成並謂屆時必定請假參與，問他會否以受害者身份行頭排？他說：「有頭排梗係行，希望政府有反應。」
多灰色地帶
而劉德華昨日在銅鑼灣出席活動時，被問到會否支持演藝人協會遊行時，他說：「遊啦，最好聯同傳媒嘅老闆級一齊遊，因為唔想畀人話明星就幫番明星，如果喺遊行中有健康嘅傳媒支持就更加理想。」華仔表示要用法律解決問題，但他覺得事件存在很多灰色地帶，所以在立法前要討論很多問題。
此外，鄭裕玲昨日在中環接受訪問時也贊成政府立法，但是對立法又疑問多多，她說：「咁出埠計唔計算在內先？𠵱家好多同事都話喺屋企好驚，都要立法畀藝人有番啲安全感。」
其他藝人如陳小春在觀塘出席首映時，對遊行一事說：「藝人都要去尊重，狗仔隊唔好去得咁過份，不過一切要睇政府點立例。」
「咁做冇意思」
但吳鎮宇前晚在中環出席《雛菊》試映場時，則對遊行一事不表樂觀說：「如果用到咁大型嘅行動去反對間機構，咁做係冇意思，反對佢哋都會照做。同政府反映意見，要搞到咁大件事，佢哋先會關注，都幾搞笑，我覺得唔使做到咁。」
採訪、攝影：馬建華、駱華齡
胡比、楊潔雯
