餅女楊愛瑾（Miki）小時候既乖巧又聽話，可惜爺爺重男輕女，只寵她的哥哥，兩兄妹曾冷戰五年。她讀小六時，兩人互不瞅睬。雖然兩兄妹長大後已和好如初，但這場冷戰對Miki的童年來說卻是最大的遺憾。
楊愛瑾擁有一個幸福健康的童年，不過最遺憾是成長過程中，曾跟比她年長兩歲的哥哥玩冷戰，更玩足五年，互不瞅睬。
Miki說：「我嘅童年係開心嘅，最遺憾係同哥哥嘅關係，細細個嗰陣本來冇嘢，後尾愈大愈不和，到六年級嗰陣，我哋一返屋企就各自閂埋房門，唔傾偈。其實係因為爺爺重男輕女，阿哥俾阿爺縱慣晒，所以我同阿哥成幾年都冇嘢講，但都冇打交，因為我細個好懦弱㗎，但大個咗又冇嘢。」
北京度童年
小時候，Miki曾跟隨爺爺住在北京大半年，那段日子至今難忘，她說：「雖然嗰陣得兩、三歲，但仲記得當時好鍾意喺北京住。北京落雪會好凍，夏天又好熱，我最鍾意就係食燴番薯同串燒。」
到Miki日漸長大，就開始紮紮跳冇時停，最難忘唸小學的時候，一次失足踩落坑渠窿的瘀事。Miki說：「嗰陣我讀全日制小學，有日食完飯，就跳吓彈吓咁返學校，點知就一腳叉咗落個坑渠窿，成隻腳損晒，好瘀！跟住連PE堂（體育課）都唔使上喇。」
初戀齋拖手
才讀小學六年班，Miki已經人細鬼大，學人偷嚐初戀愛滋味，她笑道：「puppylove啫，乜嘢都冇做過，齋拖手仔咋！佢係我嘅同班同學，嗰陣唔知拍拖係乜嘢，後尾淡淡吓冇咗，不過嗰時咁細個，puppylove到𠵱家都會記得嘅。」
採訪：朱倬誼
部份圖片提供：楊愛瑾
