黎耀祥（右）同關寶慧（左）噚日喺土瓜灣出席新片《一樓一鬼》開鏡拜神，好多人都猛讚祥仔喺TVB套劇《鐵血保鑣》演得好，仲捉住佢話要拜師跟佢學做戲，搞到祥仔開心又尷尬。跟住祥仔就講演藝人協會搞遊行件事嚟拉開話題，祥仔話：「贊成遊行，條防私隱新例好唔清晰，點都好，我唔贊成偷影屋企，但同時藝人都應該檢點。」