港交所上市委員會會喺5月起改組，成員將擴大至最少28人，但由於新例規定成員任期不超過六年，而且要有最少8名投資者代表，所以新一屆會有啲新意思，加入唔少新成員。
以往上市委員會成員都係由港交所同證監會各自提名，多來自證券經紀、投資銀行及上市公司，比較少投資者代表，今次會公開邀請外界人士自薦申請做投資者代表，佢哋可以係買方基金經理或其他直接參與投資決定嘅人士。近日股壇長毛DavidWebb亦呼籲各方有志之士積極考慮。
港交所話，咁做係為求委員會嘅成員比例恰當均衡。不過，港交所亦列出一啲基本要求，例如申請人應對上市規則及對上市決策嘅相關內容有了解，佢哋講明，每周最少開會一次，除季度政策會議、紀律會議及覆核會議等一啲特別會議外，成員出席例會嘅比率一般應達50%。自問夠quali，就要喺4月11日之前，將申請連同個人履歷送到港交所上市提名委員會秘書。