世界自然（香港）基金會（WWF）噚日宣布會喺東北水域，即係吐露港同牛尾海一帶做研究，睇吓禁捕區會對嗰度嘅生態及漁民嘅生計影響有幾大，𠵱家搞緊招標，會響八月完成研究。
佢哋噚日仲搵咗菲律賓、新西蘭同澳洲嘅漁民同政府代表撐場，講實施禁捕區嘅好處，即係生態環境會好咗，漁民收入又唔會受到影響。
WWF一直提倡喺香港成立禁捕區，不過講到口水都乾，政府同漁民都唔係好騷佢哋。
代表漁農界嘅立法會議員噚日對八方直認不諱，話WWF嘅理念好空泛，淨係顧住環保，冇實際諗漁民需要，「人哋菲律賓漁民每日做少少就維持到生活，香港漁民一日做到黑都唔夠食。」
傳真︰2623-9278
電郵︰[email protected]