鄭中基與傅穎（Theresa）早前演出電影《至尊無賴》時，似乎對一場親嘴戲十分回味，雙方前晚在慰勞宴上互讚對方的嘴夠軟，Theresa大讚鄭中基好咀，但鄭中基卻嫌女方吃完燒肉未抹嘴，十分油膩。
鄭中基、陳嘉上、陳子聰、黃柏高、Theresa和楊愛瑾（Miki）前晚在銅鑼灣一酒家參加電影《至尊無賴》慰勞宴。Theresa透露與鄭中基有一場親吻戲拍得很激，她笑說：「戲入面我要獻吻畀鄭中基，由於拍嗰陣導演要以唔同角度去拍，搞到要NG十幾次，都幾好咀，個嘴都幾腍，不過我哋就冇濕吻，只係嘴對嘴，所以佢有冇口氣我就唔多清楚。」
大髀罅損晒
除了這場接吻戲外，Theresa與鄭中基有一場被吊在樹上逃生的場面，兩人在半空中擁抱，十分親熱，Theresa說：「我哋兩個喺樹上吊住威吔攬住，因為要盪嚟盪去，大髀罅損晒，落地之後，我連行路都覺得好痛。」
「食完燒肉」
鄭中基被問到與Theresa拍親嘴戲有甚麼感覺時，他笑說：「佢個嘴好油囉！因為拍之前，我哋啱啱食完燒肉，不過佢個嘴都幾腍，但佢個嘴咁油，我真係冇嘗試真咀落去有乜感覺。」
鄭中基續說：「記得嗰日係喺一間色情網吧度拍嘅，原本我諗住拍完之後就攞張色情光碟返屋企見識吓，點知一早俾人攞晒，色情書我都想攞本嚟睇，點知我攞嗰本得個封面係鹹嘢，入面其實係體育書，全部講體育嘢，我對鹹書係戒買唔戒睇嘅！」
採訪：魯萍 攝影：陳慧安
