去傢俬舖唔一定只係買傢俬嘅！宜家出名地方大，要逛晒起碼要一、兩個鐘，好彩沙田宜家於4樓設有餐廳，行到攰都有地方歇一歇。最近餐廳提供一新系列的瑞典美食，當中以瑞典肉丸最受顧客歡迎，以豬肉、牛肉及洋葱製成的肉丸，配合瑞典傳統食法，以瑞典忌廉汁和果醬伴食，效果出奇地好，最緊要係價錢抵食。其他瑞典美食包括凍蝦、煙三文魚三文治及公主忌廉餅等。
精製足料
餐廳總廚Kenny︰「我會一星期換三次餐牌，餐廳嘅餐牌貴精不貴多，可以保持住最好嘅水準。」自家創製精選西餐，用料比一般市面餐廳豐富，份量又多，所以中午時段都經常客滿！
宜家傢俬餐廳及咖啡室（31250888）
地址：沙田鄉事會路138號新城市中央廣場L3及L5宜家傢俬
營業時間︰10:30am-9:30pm
