聯通眾高層噚日喺北京總部舉行盛大晚會，董事長常小兵（圖）正式公布新Logo，嚟個大變身，雖然仍沿用「中國結──同心結」形象和「中國聯通ChinaUnicom」嘅中英文字，但冇再用以前嘅藍色，改以紅色做基調，標誌以更國際化嘅形象，面向新通訊時代、國際及未來！
內地市場人士話，過去四間內地電訊企業都用「藍色」做底色，現時聯通轉用紅色係希望突出佢哋同其他對手嘅唔同，亦為內地未來發3G牌作準備。
據聯通講，新品牌Logo以中國紅和水墨黑搭配，中國紅代表熱情奔放、有活力，增加企業形象嘅親和力；水墨黑代表包容同凝聚力，係穩重與高貴嘅顏色。紅黑搭配有穩定與和諧嘅視覺美感。Logo嘅紅色英文字母雙「i」上下相連，就似兩個小人喺度隨時溝通，代表佢哋「讓一切自由連通」嘅精神。