個個車主都想盡辦法慳泊車錢，有無諗過好似呢部車咁，鋪晒石頭同泥土，再種埋花花草草，泊埋一邊，等警察以為佢係一個小花槽。查實部車係日本一間叫NatuRock嘅土木工程公司做出嚟，話畀人聽連鐵都一樣可以鋪上一層石頭。我好鍾意呢種車身，反正香港要綠化環境，而且唔會因日曬雨淋而甩色，最重要係無人敢偷我部車，香港有而唔太貴的話，我一定噴。
記得上個星期有讀者問，我部車好似甩色喎，成架車噴又好貴，點算好？其實一般噴油車房有種噴光油服務，價錢約二千至三千蚊，比全車噴油平三分二。師傅會用粗蠟打磨車身，將顏色油混入光油內，噴完再打磨光蠟，最後再上水晶蠟，之後就好似架新車咁。
記者：伍旋卓