法律改革委員會日前提議將某啲偷拍同竊聽行為列為刑事，曾志偉前日就特登由內地趕返香港，召集演藝人協會嘅對外事務組開會，出席嘅有岑建勳、尹子維、黃秋生同吳彥祖等，成立咗個專責小組，岑建勳係組長，佢哋會分頭搜集資料，志偉話：「我哋好支持法改會呢個提議，所以臨時開會傾，其實呢件事唔只藝人受影響，亦關乎全港市民。我哋要向政府反映。」