香港人鍾意住新樓，所以發展商啲一手盤搶手過二手住宅；若果物業係舊樓，一年唔發市都唔出奇，但係中半山有28年樓嘅慧景台，竟然一個禮拜錄得3宗買賣，都算係異數。 話說A座中層827呎單位，以490萬沽出，呎價5925；同座中層另一個853呎單位，成交價340萬，呎價3986，平好多；至於最後一個係B座極高層單位，910呎，以580萬售出，呎價6374。 金豐易居分行經理崔佑興分析，個盤過往平均一個月都係得兩宗成交，今次有咁多，主要係市道轉旺，加上樓盤嘅翻新工程七月完成，吸引部份用家提早入市。