方力申和鄧麗欣（Stephy）昨日到港台接受訪問，對於公司安排他倆做銀幕情侶，二人表示可以接受，方力申希望他們可邁進一步，他說：「我哋想以發哥（周潤發）同嘟嘟姐（鄭裕玲）做目標，希望呢個形象可以好似佢哋咁好成績，大家都接受到。最初同佢唔熟，私下冇聯絡，但合作耐咗，開始有默契。」
被歌迷恐嚇
不過方力申表示，最初與Stephy合作時，曾擔心對方的歌迷會討厭他，他說：「平時做嘢我同Stephy都要用埋同一架保母車，費事人哋以為我哋有啲乜事，所以我盡量坐車頭。」
至於在電影《獨家試愛》中，方力申和Stehpy有親吻場面，方力申說：「Stephy有個女歌迷，睇完話好想打我呀！我都驚㗎！所以平時見到佢嘅歌迷，我會低頭唔望，盡量避囉！」而Stephy同樣擔心對方的歌迷不喜歡自己，她說：「佢嘅歌迷望住我冇表情㗎！而且個個都係女歌迷，所以都驚佢哋會唔鍾意我。」
採訪、攝影：王連連