買樓始終係人生大事，以動輒百萬元計嘅投資，小心謹慎啲無可厚非，之不過，好似大埔中心一個上車客咁，十日內睇三十次樓，平勻每日睇三次，又或者分開兩個周末，每勻睇十五次，對於自己同埋服侍佢嘅經紀嚟講，都係恒心、毅力同耐性嘅大試煉。 中原鄧癸興話，最後個客都經佢哋買咗層大埔中心，423呎，113萬元，呎價2671元，以低層單位嚟講算係市價。 話時話，如果個客真係日日都睇樓，唔通佢唔使返工，日日請假？即使周末先密集式睇樓，放棄晒休息時間，為置業認真到咁樣，真係唔到你唔服。