容祖兒為迎合今個夏季的服裝潮流，昨日出席活動時表示會多穿白色服裝，又笑謂會以一億置裝。而為了高人一等，自稱有五呎七吋高的祖兒近日更四出搜購鬆糕鞋，希望看起來有六呎高。
容祖兒的服裝打扮一直是不少fans的潮流指標。Joey昨日出席在中環luxRestaurant&Bar舉行的F&BClub誕生盛典記者會時，便大談穿衣之道，Joey笑指今個夏季要動用一億港元添置新裝，皆因她要符合圈中小富婆的稱號。
想賣二手衫
不過祖兒之後表示用一億元買衫只是開玩笑，她反而希望可以得到更多服裝贊助，以減輕服裝方面的開支，她說：「盡量慳得就慳啦!最好有人贊助，唔使嘥錢買，屋企實在太多衫，我連細佬間房都用嚟放埋衫，自己又唔識搞二手衫生意，衫愈積愈多，平時都會益吓朋友同助手。」
祖兒表示今個夏季會全力搶買鬆糕鞋，有機會的話更想到日本進行大搜購，她說：「其實我有五呎七吋高，唔知點解啲人總係以為我得五呎四，為咗畀人知我其實唔矮，所以要不停着住鬆糕鞋見人，等所有人都覺得我有六呎高。」
重唱憶羅文
此外，祖兒昨日到港台出席一個節目頒獎禮的祝捷會，她表示向來也有欣賞港台製作的節目，尤其是《女人多自在》。而五月中推出的節目《獅子山下》，祖兒將會重唱當年其師傅羅文演繹的主題曲，她說：「首歌最初係我同佢（指羅文）各唱一部份，到尾段就會二人『合唱』。聽番佢嘅歌聲，諗起好多往事，好似以前佢帶我去登台、一齊唱歌咁。今次合唱感覺好特別，錄歌時會聽住佢把聲，但就未至於感觸到眼濕濕。」
採訪、攝影：魯萍
