周麗淇（Niki）昨日擔任《紅人館》主持，她邀請了蔡一智、林曉峰（阿Lo）及太太康子妮到美孚接受訪問。Niki透露阿Lo經常捉弄康子妮，她說：「阿Lo成日都整鬼佢老婆㗎，佢兩公婆真係好搞笑，有時見到佢兩個咁恩愛真係好開心㗎。」
非禮阿Lo大仔
不過阿Lo踢爆Niki經常非禮他的大仔，他笑說：「Niki見到我個大仔就會非禮佢，每次都會幫佢搜身。」當問到Niki有沒有致電慰問《天幕下的戀人》拍檔鄭嘉穎，身旁的阿Lo便插嘴說：「你一係送串大蒜畀嘉穎啦，因為吸血鬼最驚大蒜。」
此外，有指阿Lo及錢嘉樂演出的搞笑節目《囍趣台》原定上星期五播出，但由於二人扮演《斷背衫》的環節意識不適合於合家歡時間播出而臨時被抽起，對此阿Lo表示節目可能延遲至五月播出，他更笑說：「因為高層高度重視呢個節目，由原本星期五改為星期六、日八點半播，平時啲家長星期一至五都要返工，咁星期六播就會有家長指引喇。」
採訪、攝影：李珮洳