靚仔魷魚仔透明挺身

馮生話好多客仔都鍾意食魷魚仔，貪佢細細哋，煮起上嚟無墨魚咁麻煩。原來買魷魚都有好多學問，要揀啲肉身顏色接近透明嘅，身體直挺脹脹哋，一定唔可以凹身同有腥臭異味。如果摸落去肉質腍身，表皮甩甩哋，好鬼易就剝到表皮塊膜嘅，咁就千祈唔好買喇！馮生仲話只要揀到新鮮嘅魷魚仔，呢個季節無論清清哋就咁用蒜茸蒸，定係想香口啲用辣椒、八角做花椒吊片，都好啱𠵱家食咁話喎。