政府遲遲未公布西九小組嗰三個委員會名單，唔知有咩問題kick住咗。當然政府要搵人，西九聯席核心成員黃英琦Ada一定係熱門人選。噚日八方見到Ada，Ada話至今無收過任何邀請，但就話傳聞會領導其中一個小組嘅行會成員羅仲榮，已經搵過佢傾偈，都幾快手喎。問Ada驚唔驚政府拖住唔做？佢冇有怕，仲話「佢哋唔做咪我哋做囉，佢哋九月無報告，我哋九月都可以交嘅啫。」咪以為佢信口開河，查實西九聯席做嘅嘢，可能真係多過政府，九月交民間報告，點會難到佢哋？好似噚日咁，佢哋就特別喺西九長廊搞咗個重建西九活動，邀請大批學生同唔同組織代表，又要佢哋喺啲舊衫度畫上對西九嘅祈盼，都幾有創意㗎。
專程捧場嘅史泰祖醫生，除咗參加活動，原來仲有一個任務，就係做現場急救人員，佢仲自備急救箱，認真專業。
許偉賢攝
傳真︰2623-9278
電郵︰[email protected]