郭晉安（阿旺）和陳法拉昨日在紅磡都會商場出席「都會情人訂婚派對」活動，問阿旺可有結婚的衝動？他說：「我日日都俾人刺激㗎啦，今日嚟吸收吓經驗，替人高興。我諗都唔會今年結婚，因為工作排到年尾，目前計劃兩年之後啦，𠵱家最緊要係搵錢先。」
阿旺不排除先生BB後結婚，他說：「呢個年代好自然，最緊要係男人負責任。」他又堅信女友歐倩怡願意等待兩年後結婚，他說：「佢好彩就係等得，咁佢比較年輕嘛！」
𢱑婚紗廣告
阿旺笑言希望有機會拍婚紗廣告，就算與女友歐倩怡上陣都不介意，他說：「藝人喺工作上乜嘢都要做，所以我哋唔會介意。」
此外，二十四歲的陳法拉表示目前沒有男友，希望三十歲後嫁人，問她的擇偶條件？她說：「冇話乜嘢特別外形，最重要係心哋好。」對於身邊可有男士追求時，她說：「冇呀，都唔覺有，平時返工好少同男仔接觸，不過我自己就希望可以同圈外人拍拖。」
採訪、攝影：王崇穎
