老年癡呆症患者看每一日，都是新的。「佢個腦亂咗，噚日教咗佢呢個係廁所，第二日佢會去咗廚房洗面同埋刷牙！」八十二歲的盧冠瑜老伯淡淡道出其妻患老年癡呆症後，生活變得如何「糊塗」。
三年前，七十八歲盧妻陳燕群「粒聲唔出」突然在家失蹤，後來管理員在又黑又髒的後樓梯發現她，打電話給盧伯，才把她帶回家。「佢前前後後三次唔識返屋企，我先知呢樣嘢咁得人驚！」
老年癡呆症分三期，初期患者較多表現「近期記憶」不濟。
「仔女畀嘅錢唔知擺喺邊？有時反轉件衫着，睡衣當出街衫，底衫當面衫。」盧伯已接受妻子漸漸無法自理，故特別請來一名菲傭照料她。
記者訪問盧伯期間，陳婆婆顯得疑慮，不時搶白對記者說：「以前我飯都冇得食，水冇得飲，我哋冇錢……」殊不知盧伯從旁「踢爆」，悄悄對記者說：「佢喺富裕家庭長大㗎！」
縱使在盧伯眼中，陳婆婆「九唔搭八」，有時甚至錯認子女，「大仔變細仔，自己個女變家姐個女。」盧伯最感安慰的是，與他生活大半世紀的枕邊人，暫時沒有把他忘掉。
蘋果投訴熱線：29290000
社會服務熱線：29908288
傳真：23702192
電郵：[email protected]