我知我知，身為中國人國語講得唔好係我唔啱，但唔係罪唔使歧視我趕我落車㗎！記得有一次喺上海搭的士，我同司機講：「斯雞先三，錢尼債禾豬陳隍藐，那裏的削籠包又儲刎又好實。」（意思是司機先生，請你載我去城隍廟，那裏的小籠包又出名又好吃。）司機卻跟我說：「你可以多講一遍嗎？我聽不懂你說甚麼。」於是我重複講咗三次，仲指埋地圖同小籠包畀司機睇，但司機就愈聽愈唔耐煩，後來仲趕埋我落車！無辦法，惟有死死哋氣落車，搭過另一架，再跟司機講一遍我想去食小籠包。今次對方不但無唔明，仲好好人講解小籠包的歷史我知。證明我啲國語係唔好，但都有人明吖。當我告訴他剛才的遭遇，他叫我一定要投訴，因當地的士台正嚴打拒載同濫收車資。其實，個司機只是嫌路程短，唔肯車我去之嘛！好彩，我都唔笨，已經抄低咗佢個車牌號碼喇！（五之一）
梁學文
小貼士
打的時，上車先記低車牌號碼和司機名字，有甚麼事情都可以跟進嘛。