緋聞多多嘅鄭中基，喺新戲《至尊無賴》中亦好鍾意索女，但馮仁昭所講嘅「索女」，其實係聞女人陣除咁解。話說佢戲裏面原本係卧底，但一次意外導致失憶，終日喺網吧流連，後來佢遇上楊愛謹（Miki）、傅穎（Theresa）以及官恩娜三個卧底女警，重俾佢哋捉埋一齊去做卧底㖭。
摷衫色心起
三個靚女叫鄭中基上佢哋屋企揀衫，睇吓有乜合適嘅衫借畀佢裝身扮卧底，順便開會從長計議，點知鄭中基上到佢哋屋企揀衫嗰陣，畀佢摷到幾件校服，鄭中基即時色心起，拎起件校服狂索，聞吓有冇幾位靚女嘅體味，認真變態。為咗演好呢場戲，鄭中基完全放低歌星形象，擺出成個賤樣出嚟，重係有咁賤得咁賤嗰種，結果出嚟嘅效果相當搞笑，連在場工作人員都忍唔住讚佢夠晒賤！
